Okkur þykjir vænt um ef þið skrifið í gestabókina og segið ykkar álit á efni síðunnar.
Þessi síða er tileinkuð verkum Jónu Rúnu Kvaran
Hárlos hunda og neyðarúrræði
Mynd: Nína Rúna Kvaran
VAXANDI VANDRÆÐI
Það er afar áríðandi að það ríki sátt og samlyndi milli hunds og húsbóndi hans.
Í þessari tegund samskipta getur óánægja, af gefnu tilefni, verið viðsjárverð og spillt tiltölulega góðu sambandi þannig að til vandræða verði.
Í þessari grein verður sagt frá ótrúlegu hundahárlosi og afleiðingum þess á þá sem þurftu að takast á við það.
Um er að ræða hárvanda sem óx og magnaðist með þeim hætti að grípa varð til "neyðarúrræðis" í leit að bærilegri lausn.
TVÍFÆTLINGAR Á BARMI ÖRVÆNTINGAR
Á heimilinu okkar eru þrjár tíkur þær Sunna, Kola og Sara. Allt ljómandi ágætir hundar en ólíkir. Samkomulag heimilisfastra hefur sjaldan verið betra en einmitt þessa mánuðina. Það hefur þó áður ýmislegt gert þessa nánu og viðkvæmu sambúð bæði sársaukafulla og þreytandi. Á tímabili lá við sambúðarslitum vegna óásættanlegrar vinnu við að hreinsa upp úr gólfunum óvelkomin, dökkleit og lopakennd hundahár.Hárin höfðu smátt og smátt hækkað teppahæðina og breytt upphaflegum lit þeirra sem eru ljós í svartan lit og ljótan.Þegar tekið var í taumana voru allir tvífætlingar heimilisins á barmi hinnar fullkomnu og sársaukablöndnu örvæntingar. Ýmsir heimilisfastir voru m.a. á þeim huglægu nótum,þegar verst lét, að taka hatt sinn og staf og hverfa á vergang um óákveðin tíma.
ÓEÐLILEGT HÁRLOS
Sara var tekin í fóstur af heimilisföstum fyrir um það bil tveimur árum. Sunna og Kola höfðu þá verið á heimilinu í nokkur ár.Þeirra vandamál liggja ekki í óeðlilegu hárlosi. 'A hinn bóginn kom það strax fram við vistaskipti Söru að hundurinn fer óeðlilega hratt og oft úr hárum.Fram að því að hún kom á heimilið álitum við að hamskipti og hármissir viðgengjust ekki nema á vorin og haustin hjá heilbrigðum hundum. Sara fer, öllum til ama, stöðugt úr hárum.Við héldum kannski á tímabili að örðug vistaskiptin og nýjir húsbændur mynduðu innra með henni streitu sem hún réði ekki við og það kynni m.a. að koma fram í auknu hárlosi.Svo reyndist þó ekki vera.
SÁRSAUKAFULLT AUGNARÁÐ OG
ÞRÁHYGGJA
Ástandið var vægast sagt óþolandi og þar sem einungis virtist vera hárlos hjá Sunnu og Kolu á vorin og haustin er ekkert óeðlilegt við það þó að vinsældir Söru hafi verið í hættu.Enda voru geðshræringar og vanþóknun í algleymingi í hennar garð, þó allir sýndu vandanum yfirnáttúrlegt umburðarlyndi.Aldrei fékk hún tiltal heldur var henni sent sársaukafullt augnaráð. Jafnframt heyrði hún útundan sér, af gefnum tilefnum, píslavættiseintal þess sem þurfti nauðugur að ryksuga hárbreiðurnar sem féllu fyrirhafnalaust af feldi hennar. Hún fær sama fæðið og hinir hundarnir. Ekki er um efnaskort að ræða.Hún er spræk og hress.Sara er reyndar fjörlega vaxin vegna ævintýrlegrar og þráhyggjukenndrar matarlystar.
MARGÞÆTT RÁÐGJÖF EN
GAGNSLÍTIL
Hárlos Söru var borið undir ótal sérfræðinga með litlum sem engum árangri.Ráðin sem þeir gáfu dugðu alls ekki til þess að draga úr þessum ósköpum.'Ohætt er að fullyrða að það voru allir í meters fjarlægð við Söru að niðurlotum komnir.Það var m.a. ráðlagt að gefa henni lýsi og B-vítamín. Eins var ráðlagt að kemba hana af ákveðni og ryksuga jafnframt létt yfir feldinn hennar. Ótal önnur og kunnugleg ráð fengust endurgjaldslaust.En lítil breyting varð á vanda Söru.Áfram hélt tíkin reglulega og fyrirhafnarlaust að teppaleggja vistaverur heimilisfastra þeim til skelfingar og sorgar.'Ibúðin var nánast svört.
HÁRSKURÐARMEÐFERÐ UPPÁ
VON OG ÓVON
Þá gerist það einn daginn að aðaleigandi hundsins Nína Rúna, er orðin svo þreytt á þessum óvelkomnu hárum að hún fær lánaða hundarakvél sem notuð hafði verið á púðluhunda. Hún ákvað að prófa upp á von og óvon að raka meirihluta feldsins af Söru vitandi það að öllum sönnum hundaaðáendum myndi ekki líka þessi frumstæða en gagnlega aðferðafræði eiganda Söru.'I samúðarskyni og af öryggisástæðum fengu Sunna og Kola sömu meðferð þrátt fyrir að ólíklegt væri að þær væru í vondum hármálum.
FEIMNAR OG NIÐURLÚTAR
Ekki verður því haldið fram af nokkrum trúverðugleika að hundunum hafi líkað meðferðin á sér. Enda framkvæmdin tímafrek og óviðfelldin. Þær létu sig þó hafa meðferðina í byrjun með miklum semingi.Aðdráttarafl hundanna og þokki breyttist.Þær voru ekki ýkja hárprúðar í nokkra daga eftir meðferð.Segja má að þær hafi notið sín best á þessu tímabili niður við gólf, niðurlútar og feimnar.
ÓSÖNNUÐ AÐFERÐAFRÆÐI OG
FÆRRI HÁR
Það sem gerist síðan fljótlega eftir hársnyrtinguna er að teppin fóru að taka stakkaskiptum aftur og líkast upphaflegri áferð sinni.Hvort þessi aðferðafræði gengur til lengdar er ósannað. Hún virðist alla vega duga vel í nokkrar vikur. Eftir ítrekaða endurtekningu virðast koma færri hár en þau hætta engan veginn að falla.Þau er á hinn bóginn færri og ná því ekki að mynda ný gólfteppi sem er léttir fyrir þolendur.Það verður að framkvæma meðferðina varlega og varast að skaða dýrið eða særa.
FYRIRBYGGJANDI AÐGERÐ OG
FÆÐIÐ
Vafalaust sýnist sitt hverjum um hvers konar meðferð var notuð til þess að stemma stigu við þessum ósköpum. Aðalatriðið er að aðferðin hefur góð áhrif, þó ekki sé um varanlega lausn að ræða.Klippingin virkar fyrst og fremst fyrirbyggjandi. Vafalaust reynist hún misvel og fer það sennilega eftir því hvaða hundategund á í hlut.Sara og Sunna eru nánast hreinræktaðir labradorar en Kola er blendingur. Feldur hundanna er heilbrigður að sjá.Hann hefur vaxið vel og gljáir fallega.Fæðið er það sama og fyrir klippingu. Ekki er mælt með hárskurði nema í neyð.
Því miður féll Kola frá þann 13.ágúst 1999. Hennar er sárt saknað. Sendið henni góðar hugsanir þar sem hún er núna.
Því miður féll Kola frá þann 13.ágúst 1999. Hennar er sárt saknað. Sendið henni góðar hugsanir þar sem hún er núna.
Í þessari grein verður sagt frá ótrúlegu hundahárlosi og afleiðingum þess á þá sem þurftu að takast á við það.
Um er að ræða hárvanda sem óx og magnaðist með þeim hætti að grípa varð til "neyðarúrræðis" í leit að bærilegri lausn.
Jónu Rúnu Kvaran
