Þú ert gestur númer  

Gestabók

Okkur þykjir vænt um ef þið skrifið í gestabókina og segið ykkar álit á efni síðunnar.

























     
Grín og gaman. Höfundur: Jóna Rúna
Matarræðið

Glætan. Ég skammast mín ekkert eðlilega
fyrir þetta lið hérna í Hrafnanesinu. Sénsins. Ég læt sko ekki hálf má segja bögga mig til dauða með öllu þessu holdanautakjöts áti sem hefur verið hér í gangi síðan hringt var úr skólanum og tilkynnt að ég hefði lést um 20 grömm frá því í fyrra.

Gamla geitin er svo rosalega móðursjúk
að það sést svo innilega að ég læt örugglega lífið fyrir helgina ef hún heldur áfram að troða í mig gamla bola frá Grenivík. Ég ákvað því að flýja að heiman og dreif mig bara til afa á Grandanum í gos og franskar.

Glætan. Pabbi þessi ofdekraði fíll
hótar að koma mér fyrir hjá vandalausum ef ég kem ekki strax heim. Hann sagði að skólastjórinn hefði spurt hvort ég hefði hreyft mig svona rosalega mikið undanfarnar vikur, því þessi breyting á vigtinni væri ekkert eðlilega grunsamleg.Glætan.Þetta lið veit uppá sig skömmina, því ég hef mátt þola það að búa um rúmið mitt og pressa buxurnar mína og skyrtur þetta heilu og hálfu vikurnar og auðvitað keyrist af manni mörin með það sama. Það sjá allir.

Rosalega er gott að þurfa ekki að fara í skólann
á meðan verið er að fita mig. Ég vissi það að það ætti ekki að láta mig hreyfa mig svo mikið. Afi sá svo greinilega strax hvað ég á bágt og keypti náttúrlega bæði slatta af kjúklingum og cokteilsósu til að prófa betri leiði til að ég fyllti betur út í skóna mína sem hreinlega skröltu á mér. Bræður mínir græða ekkert smá á því að það er meiningin að fita mig. Pælið í því. Þeir eru með allan skólann á beit í bola og það rýkur ekkert smá úr grillinu þessa dagana.

Mamma þessi blöðrutengda bolla
sá sér leik á borði og það sást til hennar þegar hún var að steikja annan fótinn á bola og borða ein um hánótt. Hún neitar samt. Peran er ekkert smá lúmsk. Sénsinn. Ég meina það eru tíu ár síðan hún gat notað sokkabeltabandið sitt. Við afi eigum svo vel saman og okkur finnast franskar alveg meiriháttar góðar. Við erum samt frekar hófsöm í mataræði. Borðum bara þetta sex til sjö stóra skammta af frönskum á milli mála.

Ég fer ekki að lækna þetta lið af sektarkenndinni
úr því að ég á kost á þessu skólafrí á meðan verið er að redda þessum 2o grömmum á boddíið á mér.Við skulum bara átta okkur á því að Jóa vinkona hefur ekkert þurft að borða nema prins og gos síðan reynt var grimmdarlega að fita hana. Hún fékk hálsbólgu daglega svo mikill var ágangurinn við að troða í kokið á henni heilu hestasteikunum.

Ég sagði henni bara að vefja Álafossullarteppi
um miðjuna og fara í skó af litla bróður sínum. Hún getur núna verið í friði með sína anarexíu.Mamma hennar hélt að það yrði að dressa hana upp á nýtt, ef hún fitnaði svona hratt á báðum ristum og maga. Jóa borðar núna bara þegar henni sýnist og allir erum fegnir að hún er breytist úr sæmilega stóru tröllabarni í notalega barbídúkku aftur.

Vonandi verð ég
uppgötvuð snarlega.

Skrifað af: Jónu Rúnu Kvaran


Póstur til Jónu Rúnu

..