Þú ert gestur númer  

Gestabók

Okkur þykjir vænt um ef þið skrifið í gestabókina og segið ykkar álit á efni síðunnar.

























     
Grín og gaman. Höfundur: Jóna Rúna
Verðlaunin

Eins og það sjái ekki allir í gegnum svona lúmskt lið?
Glæta. Ég veit sko alveg hvað pabbi er að plotta núna. Hann er svo rosalega hégómlegur og gráðugur. Hann er búinn að ákveða að verðlaunabikar ársins í golfi verði hér í Hrafnanesstofunni. Hann er eiginlega má segja gjörsamlega að flippa,enda finnur hann ekki golfsettin sem hann er nýbúinn að splæsa svo svakalegum pening í.

Hann ætlaði að láta okkur öll fara í golf á laugardaginn.
Bautinn er búinn að láta sérsauma galla með meiriháttar skrauti á. Það stendur á bæði buxum og bolum. " Sénsinn! Það eru bara bjánar og bilaðir sem láta bögga sig." Vá puttinn kann ekki að skammast sín. Hann dömpar alla án þess að taka eftir því, svo rosalega er gaurinn montinn. Hér á Nesinu eru nefnilega heimagengin alltaf að bæta á sig. Alveg sama hvort það eru peningar, prjál, ástar-sambönd eða aukakíló.

Eins og það sé ekki meiriháttar dæmi,
að fara í golf alla næstu laugardaga og láta bögga sig og dömpa til bana. Ég varð að redda þessu. Sénsinn. Boltinn skipaði strákunum Bubba og Badda að læðast með girðingum hér á Nesinu og spæja í öllum görðum öll golfdæmi og skrifa hjá sér taktana. Ég afneita þessu liði. Þetta er svo rosalega glatað.

Ég verð að láta þessar golfkylfur hverfa.
Ég er reyndar búin að losa okkur við þær. Systurnar með hökutoppana og piparmeyjar-vesenið í næsta húsi eiga svo svakalega margar ættingja, sem allir eru þetta metri á alla kanta. Eiginlega alveg upplagðir í golf. Það meiriháttar gott að fá smá í spari-grísinn. Er kannski verið að gefa í skyn að maður sé eitthvað tæpur. Ekki? Mér er svo sem sama. Ég meina, ég er meiriháttar það sjá allir.

Það er ógeðslegt hvað allir horfa grunsamlega á mig.
Ég seldi golfsettin frekar ódýrt. Systurnar eru meiriháttar sælar. Ég er svo fegin hvað ég á auðvelt með að sjá hvað öðrum vantar svona rosalega sárlega. Pælið í því systurnar voru búnar að ætla að kaupa svona golfsett í nokkur ár. Ég er fegin að ég er frekar sparsöm og heiðarleg. Ég finn svo svakalega strauma hérna heima, svo meiriháttar grunsemdir eru í gangi. Það vita allir að ég stel aldrei. Ég bara kem ýmsum hlutum fyrir ef þeim er ofaukið hér heima.

Þess vegna er ekkert skrýtið
þó ég fái eitthvað smá lítið fyrir fyrirhöfnina.Pælið í því að vera stressa sig yfir svona smotteríi. Einn skitinn hundrað þúsund kall. Ég verð sennilega að flytja að heiman svo rosalega horfa allir stingandi á mig. Öfundin er ekkert eðlileg. Ég skil ekki svona sjúkt lið.

Við skulum bara athuga það
að þegar ég ráðlagði Jóu vinkonu að selja smá úr bókaskápnum af og til, gerðist ekkert nema gott. Jóa hefur átt sand af seðlum síðan. Enginn er að stressa sig yfir því þó eitthvað smá hverfi úr bókahillunum. Það er bara fyllt í aftur. Gamli bautinn þolir ekki að hafa nein göt á svæðinu nema fylla í þau.

Vonandi verð ég
uppgötvuð fljótlega.

Skrifað af: Jónu Rúnu Kvaran


Póstur til Jónu Rúnu

..