Okkur þykjir vænt um ef þið skrifið í gestabókina og segið ykkar álit á efni síðunnar.
Ljóð ort af Jónu Rúnu Kvaran
Ljóð
Friðarsól
Í myrkri og kulda hefur sálin hýst
hamingju sem geymist hið innra.
Án orða finnur andinn hvíld í húmi
hugsana sem gefa von og trú í friði.
Í bláma frelsis finnur þreytt sál ró
og fegin hafnar örvita ómi kvíða.
Það er skjól í huga sem auðmjúkur
opnar hjartað og óskar kyrrðar í sátt
Orna tónar elsku og unaðar í kyrrð
opinberast í fögnuði eldar kærleika.
An kvaða hverfa daggardopar duldir
dimmrauðum roða af sárkaldri kinn.
Allt svart og sorgum hlaðið hverfur
og sól vonar og unaðar brosir ylrík.
Að sjá gleði í gæskuríkum huga yljar
og gengin spor verða vís og án ótta.
Það ljós sem lýsir kalda veru gleður
og ský vanmáttar hverfur inní húmið.
Allt svo hlýtt örvar og hvetur andann
sem hugdjafur horfir á friðarsól yls.
Hvar sem sorg gengur sefur hugurinn
í söknuði eftir ómi frelsis sem hvetur.
Ef opinberast i líki lilju vaxtarbroddar
ljóma þá eflist og skýn hugarglóð sælu.
I friðargarði feginleika örvast tónar birtu
fagnaðar sem hvetja lúna veru til dáða.
Allt svo bjart og undur fagurt birtist og
bætir kraft trúar og elds í döprum huga.
Í myrkri og kulda hefur sálin hýst
hamingju sem geymist hið innra.
Án orða finnur andinn hvíld í húmi
hugsana sem gefa von og trú í friði.
Í bláma frelsis finnur þreytt sál ró
og fegin hafnar örvita ómi kvíða.
Það er skjól í huga sem auðmjúkur
opnar hjartað og óskar kyrrðar í sátt
Orna tónar elsku og unaðar í kyrrð
opinberast í fögnuði eldar kærleika.
An kvaða hverfa daggardopar duldir
dimmrauðum roða af sárkaldri kinn.
