Þú ert gestur númer   Gestabók Okkur þykjir vænt um ef þið skrifið í gestabókina og segið ykkar álit á efni síðunnar.

Útvarpsþáttur Jónu Rúnu Kvaran Á nótum vináttunnar Fegurð Komið þið sæl. Þetta er þátturinn " Á NÓTUM VINÁTTUNNAR" og ég heiti Jóna Rúna Kvaran. Eins og ykkur er flestum kunnugt er þessi þáttur á dagskrá Aðalstöðvarinnar annað hvert fimmtudagskvöld kl. 22:OO, og verður því næst 26 Júlí n.k. að venju. Það þarf varla að endurtaka það að hlutverk þessa þáttar er að ýta undir trú okkar á mikilvægi sjálfsábyrgðar og kostina við að temja sér jákvæð lífsviðhorf eftir föngum. Við notumst í þessum elskulegu þáttum við hugmyndir mínar og vangaveltur um eitt og annað sem mér finnst áhugavert að við íhugum og þið veljið, svo og hafnið eftir hentugleikum, minnug þess að enginn er alvitur og ég er síður en svo undantekning frá þeirri staðreynd, þrátt fyrir góðan vilja. Það er vissulega gott til þess að vita að við íslendingar erum meir og minna að velta okkur upp úr gildum þeim í lífinu sem teljast verða jákvæð og kærleiksrík og gengur bara vonum framar eiginlega mjög vel enda komnir í marga ættliði af nægjusömu, heiðarlegu og hörkuduglegu fólki, svo við séum hóvær. Það er engin ástæða til að efast um andlega hæfni þjóðarinnar, hún er vissulega mikil. Unga fólkið okkar er einstaklega hjartahlýtt og einlægt, auk þess að vera á annan hátt mjög vel að Guði gert, og er það svo sannarlega þakkarvert, því þetta elskulega unga fólk ber í barmi sínum framtíðina. Þau okkar sem aðeins er farið að slá í, erum líka búin flest að uppgötva það að innri vellíðan fæst ekki fyrir peninga, góða titla, lúxusbíla eða hús, heldur í gegnum mannúð, kærleika, og jákvæða hugsun auk ábyrgðar á sér sem andlegum verum líka . Við erum nefnilega meira en bara líkaminn, við erum fyrst og fremst sálir með undursamlega andlega eiginleika sem eru og verða styrkur okkar allt lífið. Í kvöld fjöllum við um fegurð séð frá mínum hugarheimi, og ég sé enga ástæðu til að takmarka þá umfjöllun bara við líkamlega fegurð, enda mér töluvert viðkvæmt mál, heldur ræðum við líka um innri fegurð og ekki veitir af eða hvað finnst ykkur .Ég var einstakalega heppinn, þegar mér tókst að fá í viðtal löngu landsþekktan sérfræðinginn á ýmis konar fegurð og fegurðarauka hjá báðum kynjum, Heiðar Jónsson snyrtir og dagskrárgerðarmann. Við Heiðar fjöllum um lífið og tilveruna séð frá sjónarhorni Heiðars . Heiðar er eins og við áhugasamur um jákvæð lífsviðhorf og andlega eiginleika okkar, ásamt því að vera mjög jákvæður og elskulegur einstaklingur að mínu mati. Það er ekki spurning að það verður bæði forvitnilegt og uppbyggjandi að hafa hann hér hjá okkur í hljóðstofu Aðaslstöðvarinnar í kvöld og heyra sjónarmið hans á einu og öðru sem tilfellur í lífinu, eins gengur. � Fara efst á síðu Póstur til Jónu Rúnu ..