Okkur þykjir vænt um ef þið skrifið í gestabókina og segið ykkar álit á efni síðunnar.
Grín og gaman. Höfundur: Jóna Rúna
Litli lúmski Bubbi
Eins og það sjá ekki allir
í gegnum svona rosalega spillt gengi eins og þetta lið sem ég sit uppi með hérna í Hrafnanesinu. Pælið í því Mamma er bara í því að summa með myndavélinni á Bubba bróður í meiri háttar von um að þetta meterslanga holdmikla 95 fimm kílóa litla kvikindi sé eitthvað að grennast eða eitthvað. Það sjá allir að þetta er borin von hjá gömlu ryksugunni ef henni dettur í hug að hægt verði að komast hjá því bráðlega að klippa utan af honum fötin svo svakalega þéttist kubburinn á hverjum degi.
Eitt kvöldið fékk mútta hið fullkomna geðsýkiskast
vegna þess að það kom bara heilt gengi úr skólanum til að rukka Bubba bróður um stórfé vegna gæslu í skólanum. Stubburinn hefur þá borgað skólasystkinum sínu fyrir að vernda sig á skólalóðinni. Glæta. Guttinn varð svo hræddur þegar liðið kom að rukka að hann skellti sér undir rúmið hjá mér og ég bara fann allt í einu að ég rak svona rosalega nefið í loftljósið þegar hann og 95 kílóin lyftu mér upp með það sama og ég skall svo bara á gólfið. Pælið í því. Ég ætla sko að afneita öllum tengslum við hann.
Ég finn svo innilega hvað hann er eitthvað tæpur.
Aftur á móti má segja að mamma elski að dekra þetta litla lúmska "red head" enda sjá allir að hann deyr einn daginn hægum dauðdaga úr offitu enda blæs guttinn út stanslaust. Það má segja að ég fá frekar lítið að borða. Pælið í því ég passa ennþá nokkurn veginn í skírnarkjólinn minn.
Pabbi segir að Bubbi sé meiriháttar feitur
og bauðst til að lána honum lífstykkið hennar ömmu sem hann notar reglulega. Geitin varð að leggja gamla gaurinn á gólfið og hálfpartin að þjappa honum saman til að magabeltið passaði síðast þegar þau fóru út, svo manni finnst að hann ætti ekkert að vera breiða úr sér þó Bubbi sé nokkurn veginn eins og sæmilega stórt háhýsi á þverveginn. Ég aftur á móti kom með ferlega fína lausn fyrir báða og það má segja að allt hafi orðið brjálað á eftir.
Ég bara gaf konunni í næsta húsi
allt matarkyns um helgina til að hjálpa þessum pöddum við til að ná mittismálinu niður. Bubbi trylltist og týndist í sólahring. Hann fannst í fanginu á Tótu frænku mitt í hennar hundrað og þrjátíu kílóum og þar sem hún var að dæla í hann drasli úr kistunni. Pabbi smellti sér aftur á móti með það sama heim til ömmu gömlu sem er enn þá tveim dögum seinna að troða puttann út.
Mamma er í kasti
og segir að ég eigi við geðræn vandamál að stríða. Við skulum bara athuga það þegar ég ráðlagði Jóu vinkonu að selja á basar allt matarkyns heima einmitt þegar allir sáu að pabbi hennar náði næstum að heima og yfir í næsta garð með aukakílóin, þá gekk allt svakalega vel upp. Gellan sem átti garðinn sá hvað guttinn var svangur og gaf hlunknum 30 kíló af gulrótum, svo hann þarf ekkert meiri mat til jóla og 70 kílóa framparturinn á honum hvarf úr garði perunnar fljótlega.
