Þú ert gestur númer  

Gestabók

Okkur þykjir vænt um ef þið skrifið í gestabókina og segið ykkar álit á efni síðunnar.
























     
Útvarpsþáttur Jónu Rúnu Kvaran
Á nótum vináttunnar

Höfundur: Jóna Rúna Kvaran.
Flutt: 18.04.1991


Komið þið sæl!
Það er nú heldur skemmtilegt að vera til þessa daganna og virkilega njóta þess eins og ég hef svo sannarlega gert það, þó að ég vilji ekki segja í hverju það liggur þrátt fyrir að ég hugsi oftast upphátt. Auðvitað er eitt og annað, sem setur mörk sín á þessa annars ágætu tilveru okkar allra, en fátt svo yfirþyrmandi að það taki því yfirleitt að gera sér ýkja mikla rellur útaf því.

Við sem hlökkum til sumarsins
eru víst mörg og ekki af ástæðulausu, því það er sá tími náttúrunnar, þar sem flest fær aukið líf og mannfólkið er ekkert undan­skilið. Hver kannast ekki við setningar sem þessa" Ég hlakka svo til í sumar og þó mest til að slaka á í sumar­fríinu og láta mér líða virkilega vel." Ánægjulegt viðhorf til sumarsins, sem best væri að væri einfald­lega í huga okkar allan ársins hring, þannig að í okkur sjálfum væri eins konar sumar, sem með il sínum og birtu gæfi lífi okkar og annarra aukið gildi. Sólin er kannski það lífsafl sem sterkast er
í náttúr­unni yfir sumarmánuðina og við svo sannarlega fögnum hlýjum og örvandi geislum hennar hvar sem hún skín. Ef við íhugum sólina og gildi hennar fyrir þessa annars ágætu veröld okkar allra, uppgötvum við fljótt, að án hennar tilkomum fengi náttúran ekki á sig þann blæ, sem hrífur okkur mest og eykur fjölskrúðleika hennar fyrir utan hvað við yrðum leið ef sólarinnar nyti ekki við.

Ef við sjálf tækjum sólina sem viðmiðun
og gerðum okkur sjálf að einhvers konar sólum hið innra, er alveg víst að minna yrði um alls kyns misklíð og öfugstreymi í mannlegum samskiptum. Sólin er nefnilega í innsta kjarna sínum uppbyggjandi jákvætt afl og lýsir veröldina því upp með umvefjandi geislum sínum, auk þess sem hún yfirskyggir skuggana í háloftunum. Við sem þráum betri kjör allra og jafnvægi í mannlegu samfélagi vitum, að það er nefnilega nóg af alls konar skýjum og skuggum í mannlegu eðli. Okkur leiðist þannig veðurfar í náttúrunni sjálfri og viljum víst fæðst, að þannig ástand sé viðloðandi okkar annars ágætu sálir eða með öðrum orðum innra líf okkar. Af þessum ástæðum er hyggilegt að íhuga mögu­leikann á að temja sér það atferli sem felur í sér andlegt sólskin í flestum tilvikum.

Ef við viljum vera nokkurs konar sólir
í lífi sjálfra okkar og annarra er ágætt að temja sér sem jákvæðasta hugsun að staðaldri og vinna sem næst kærleiks­hvetjandi lífsviðhorfum, í öllu því sem tengist athöfnum okkar og lífsvilja og hana nú. Eins og þið munið þá var alls ekki meiningin að fjalla nema á sunnudögum kl. 19 um kærleikshvetjandi þætti tilverunnar, en málið er að ég get bara ekki horfið alfarið frá þessu frábæra umfjöllunarefni. Ég mun því að sjálfsögðu lauma því inní stuttan inngang á undan gesti eins og ekkert sé eðlilegra á næstunni. Í von og trú á að við íslendingar eignumst smátt og smátt í lifandi fólki yndislegar geislandi sólir, sem virkilega verða blessunarríkar fyrir það sjálft og samferðarfólk þess.

Barnalegt viðhorf og einlægt,
en býsna skynsamlegt vegna þess, að án þessara mögulegu mannlegu sóla verður allt mannlíf svo undur kalt og ógnvekjandi, auk þess að bera í sér dapurleika sem engin kærir sig um. Við þrífumst nefnilega best í mýkt og mildi þess persónulega með ákveðin styrk þegar það á við og af gefnu tilefni.

Í kvöld var ég svo heppin
að fá í spjall við mig sérlega áhugaverða konu, sem virkilega hefur og villÜl berjast fyrir þeim, sem ekki geta varið sig sjálfir eins og á við um alla málleysingja. Þetta er Guðrún Ragnars Guðjónsen formaður hundaræktarfélags íslands. Mikil baráttukona sem hefur unnið ötulega, að fram­gangi og velferð t.d. Íslenska hunda stofnsins honum til verndar, ásamt því að hafa fastmótaðar skoðanir á einu og öðru tengdu lífinu og tilverunni almennt. Það verður örugglega forvitnilegt að kynnast sjónarmiðum hennar.

Guðrún er komin í hús
og á meðan hún kemur sér fyrir ætla ég að spila tónlist, sem ég vona að sé henni að skapi. Guðrún er nefnilega mjög hrifin af flestu sem tengist jazzi og þess vegna hef ég valið af kostgæfni þannig tengda sveiplu í tónlist kvöldsins, þó vafalaust megi deila um árangurinn.

Eins og flestir vita er þetta ný þróun
hjá mér svo vel má vera að ég skjóti dálítið framhjá og við jazzinn blandist eitt og annað, sem þó er að sjálfsögðu skylt, en þó mögulega nokkuð fjarskylt, en þá er bara að muna að viljinn var góður og ég reyndi svo sannarlega að láta þetta ganga upp. Ég held þó að einhver sérkenni­leg létt afbrigði séu betri fyrir byrjendur eins og mig svo ég bara létti þetta snarlega svolítið upp að sjálfsögðu.

Vonandi verða strákarnir á Aðalstöðinni
ánægðir með nemanda sinni, sem er að rembast við að eflast í trú sinni á mikilvægi sveiplunnar með trega þó. Ég veit að þeir verða það, þegar þeir heyra hvað ég er metnaðar­gjörn í vali á tónlist, sem ég botna varla í, en umber þó furðuvel eftir atvikum, en reyndar bara stundum.

P.S Ég fer alveg í kerfi
ef Guðrún verður ekki hrifinn og þá kemur fyrsta lagið elskurnar.

Fara efst á síðu


Póstur til Jónu Rúnu

..